BIZITZATRUK
DBH4B gelakoen bloga izango da.
2015-04-15
2015-03-23
DBH 2.MAILA
3.HIRUHILABETERAKO IRAKURGAIAK
Labarreko itsasargia, OIHANE
FERNANDEZ MENDIA, Alex Orbe Ferreiro, ELKAR (Xaguxar)
Trenean doa Ania, bera bakarrik. Etxeko
istiluetatik urruntzearren, itsasertzean bizi den osabarenera bidali dute gurasoek;
izan ere, farozaina da osaba Giuseppe, eta, horrez gain, bere isiltasunaren
atzean misterio bat ezkutatzen duena.
Marinel eta saregin, itsaslabar eta ekaitz, garai bateko maitasun debekatuen eta itsas abenturen kutsua du Oihane Fernandezek idatzi eta Lizardi Saria irabazi duen istorio eder honek
Marinel eta saregin, itsaslabar eta ekaitz, garai bateko maitasun debekatuen eta itsas abenturen kutsua du Oihane Fernandezek idatzi eta Lizardi Saria irabazi duen istorio eder honek
Atlas sentimentala, PATXI ZUBIZARRETA, ALBERDANIA
Euskal Herriko gazte bat doa Marokora denboraldi baterako. Hango
egonaldia kontatzen zaigu nobelan, hango kulturarekiko lilura. Bidaia liburua?,
maitasun historia?, bietatik badu zerbait, baina bada askoz gehiago ere.
Diamanteen
lapurretaren kasua, JOACHIMFRIEDRICH,
Mikel Valverde, GILTZA
Xarmantek zerrendanlankide duen txakurra
-diamantezko lepokoa daraman dingo harroputz jasanezin bat- modu misteriotsuan
desagertuko da. Bahitzaileak aurkitzeko eginahalak egingo ditu Xarmantek. Kasu
berria du esku artean Txarli&CompanyDeteltibe Agentziak.
Botilako
deabrua, ROBERT LOUIS
STEVENSON Elkar (Branka)
Argumentu klasiko eta aldi berean zirraragarria
du istorioak: Keawe hawaitarrak botila deabrutu bat erosi du, munduko edozer
gauza lortzeko balio diona, baina arima galduko du hil aurretik saltzen
ez badu. Saldu, berriz, erositako prezioan baino merkeago egin behar da
derrigorrez. Arazo larria ekarriko dio horrek botilaren jabeari, zenbat eta
merkeago erosi orduan eta zailago izango baitu gero saltzeko, deabruaren hatsa
eta infernuko sugarra gero eta hurbilago sumaturik.
Harry Potter eta sorgin-harria, J.K.
ROWLING, ELKAR
Harry Potter mutiko umezurtz bat da, eta bere osaba-izeba gogaikarriekin
eta bere lehengusu Dudley kaikuarekin bizi da. Harry bakarrik eta triste
sentitzen da, inork ez duelako maite etxe hartan. Baina egun batean bizitza
errotik aldatuko dion gutun bat jasoko du. Hogwarts eskolan onartu dutela
jakinarazten diote gutun hartan. Eskola bitxi hartan benetako lagunak egingo
ditu eta magia egiten ikasiko du Harryk, eta, bere harridurarako, ahalmen
miragarriak dituela konturatuko da. Izan ere, Harry Potter egiazko aztia baita!
(Harry Poterren edozein
irakur liteke)
Zauri ezkutuak, FERNANDO MORILLO, GAUMIN
Iriaren
hirugarren ikastetxea. Ezagunak zaizkio eskolako zauri ezkutuak eta neska
urduri dago. Oharkabean pasatzen saiatuko da hasieran. Baina Unax izeneko mutil
berezi eta markatua ere hasiberria da eta koska krudel bat aurkituko dute
berehala: Nora eta Martxel neba-arrebak, itxuraz ikastetxeko benetako jaun eta
jabe. Ikasle bakoitzarri mingarrien nola
jo jakiten maixu. Iria eta Unax izango dituzte jomuga nagusietako bat.
Violet Park-en bidetik, JENNY VALENTINE, ALBERDANIA
Hamasei urteko gazte londrestarra da Lucas Swain, eta, gau
batean, bilatu gabe topo egiten du Violet Park-ekin. Violet Park ez da inor
Lucasentzat, ez du ezerk hari lotzen: Emakume zaharra da, hilda dago…
Taxi-bulego baten apalategian errauts kutxa baten barruan dago, baten batek
taxi baten barruan ahaztuta utzi zuenetik.
Enkontru hori gertatu zenez gero, ordea, bizitza aldatu zaio Lucasi.
Uste osoa du errauts kutxa horren barruan dagoenak berarekin harremanetan jarri nahi duela, eta horrek eramango du, aurkitzen dituen arrastoen bidetik, bidaia bitxi batera, bere burua ezagutzera eta, bide batez, jakitera zer gertatu zen orain urte batzuk desagertu zen bere aitarekin.
Abentura pindartsua da, bizkorra, samurtasun jator batez idatzia dago, irri eginarazten du, negar eginarazten du, hiper originala da. Bikaina da.
Uste osoa du errauts kutxa horren barruan dagoenak berarekin harremanetan jarri nahi duela, eta horrek eramango du, aurkitzen dituen arrastoen bidetik, bidaia bitxi batera, bere burua ezagutzera eta, bide batez, jakitera zer gertatu zen orain urte batzuk desagertu zen bere aitarekin.
Abentura pindartsua da, bizkorra, samurtasun jator batez idatzia dago, irri eginarazten du, negar eginarazten du, hiper originala da. Bikaina da.
2014-12-09
GABONETARAKO IRAKURGAIA!!
Gustura aritu zineten irakurtzen Ezekiel, ezta neska-mutilak? Bada, orain hementxe duzue Ezekielekin abenturetan murgiltzeko beste aukera! Gabonetan tartea hartu eta ondo pasa!
Ezekiel nora ezean, Jasone Osoro: Ezekielek 15 urte ditu, lagunarte jator bat, neska-lagun moduko bat... Bizitza zoriontsu hori aldatu egingo da, ordea, inoiz ikusi ez duen aita bat-batean agertzen denean: ezagutu nahi luke, batetik, baina baita aldegin izana aurpegiratu ere. Horrez gain, beste hainbat arazo ditu mutilak: arrebarekin eta amarekin dituen eztabaidak, lagunekiko gorabeherak, gustuko bi neskaren artean sentitzen dituen zalantzak..
2014-10-22
2014-05-08
IRAKURGAI-LANA EGITEKO JARRAIBIDEAK
EUSKARA ETA LITERATURA
Irakurgaiari buruzko lana egiteko JARRAIBIDEAK
(3. ebaluazioa)Aurkeztuko duzun lanak honako zatiak izango ditu:
1.
Azala:
- Zure
datuak:
- Kodea eta taldea.
- Data eta ebaluazioa.
- Ikasgaia.
- Liburuaren
datuak:
- Liburuaren izenburua.
- Idazlearen izena.
- Argitaletxea.
2.
Lehenengo
orrialdean: Argumentua. (50 hitz) + Irudi bat.
·
Argumentua obraren hari nagusiaren
kontaketa laburra da. Argumentuan ez dira azaldu behar gertakizun guztiak.
Argumentua, gainera, gertakizunen hari ordenatua izaten da, nahiz eta obran
aldrebestua egon.
3.
Bigarren
orrialdean: Laburpena. (200 hitz)
a. Liburuaren
laburpena ondoko eskema jarraituz:
HASIERAKO EGOERA
> ARAZOA – EKINTZAK – ONDORIOA > AMAIERAKO EGOERA
4.
Hirugarren
orrialdean: Iritzia. (200 hitz)
a)
Iritzia ematerakoan puntu
hauek izango dituzu kontuan:
·
alderdi interesgarriak
·
alderdi negatiboak
·
ondorioa, balorazio
orokorra
b)
Ideiak gehitzeko honako antolatzaileak
erabiliko dituzu: gainera, eta, baita
ere, alde batetik, bestalde…
c)
Ideiak kontrajartzeko honako antolatzaileak
erabiliko dituzu: hala ere, hala eta
guztiz ere, dena den, edonola ere…
d)
Ondorioak
adierazteko honako antolatzaileak erabiliko dituzu: beraz, laburbilduz, hau guztia dela eta, ondorioz, horrela, honela ba,
horregatik, hori horrela delarik…
2014-04-02
3.EBALUAKETAKO IRAKURGAIAK
Txarli&Company agentziako kideak eta
haien ikaskide guztiak, baita BadBoys petralak ere, txango joan dira landa
aldera, Erdi Aroko gotorleku batera. Zorionez, Xarmant txakurra berekin
eramatea lortu dute.
Gazteluan, inork zergatik ez dakiela, ikasleekin etorritako irakasleak gaixotu egiten dira, banan-banan, eta guztiek pozoitze-sintomak dituzte... Txarlik ez du uste dena kasualitatea denik, eta berriz ere, bere detektibe-senari jarraituko dio. Beste kasu bat argitu beharko du!
Gazteluan, inork zergatik ez dakiela, ikasleekin etorritako irakasleak gaixotu egiten dira, banan-banan, eta guztiek pozoitze-sintomak dituzte... Txarlik ez du uste dena kasualitatea denik, eta berriz ere, bere detektibe-senari jarraituko dio. Beste kasu bat argitu beharko du!
Larunbatean
Bukowskin, John Andueza Altuna: Irailaren zazpian,
Donostiako Bilintx institutuan ikasturte berria hasi da. Urtero legez, tribu
ezberdinak nahastuko dira bertan: modernoak, frikiak, punkiak,hip-hoperoak eta
apatxe bakartiak.Nerabe horien unibertso propioan murgilduko gara. Gazteen
arteko harreman konplikatuak, teknologia berriak, sexua, drogak... rokan rola!
Eta halako batean, institutuan norbaitek kamera txiki bat ezkutatuko du nesken
aldagelako azken dutxan...
Ekain mutil bakartia da. Ikaskideekin
harremanak izateko zailtasunak dauzka, eta, gainera, oporretan eskolako idazlan
nekagarri bat egin behar du, ikasturtea ondo bukatuko badu. Idazlana egiteko
dokumentazio bila dabilela, antzinako eskuizkribu bat aurkituko du, eta bere
bizitzarekin antzekotasunak dituen abentura zirraragarri eta hunkigarri batean
murgilduko da. Maitasunaren indarraz jabetuko da, eta, Montse lagun onak
lagundurik, bere bizitzako erabakirik garrantzitsuena hartuko du.
2014-03-26
BOOK TRAILER LEHIAKETAN BOTOA!
BOOK TRAILER LEHIAKETAN BOTOA!
Book Trailer Lehiaketan botoa emateko aukera maiatzaren 16a arte
Martxoaren 24tik maiatzaren 16ra arte book trailerrik onenen aldeko botoa emateko aukera izango da Liburu Gaztea Book Trailer Lehiaketan. Horretarako, lehendabizi Liburu Gaztearen webgunean sartu (www.galtzagorri.org/liburu-ga
Gure ikasleen lanak hauek dira:
2. mailako taldeak
- Betiguk
- Bizardun txoriak
- Capero
- GerbiƱi
- IE
- Izarrak
- JMSO
- Loretxoak
- Pin pan pun
- Pompa
3. mailakoak:
- Enarak
- Izurdeak
- Muskerrak
- Pandak
- Satorrak
- Sugeak
1. Aukeratu Norbanakakoa
2. Aukeratu Ikastetxekakoa
3. Datuak bete
Hiru urratsetan eman daiteke botoa. Urrats bakoitza bete edo hutsik utzi ondoren (ez baita derrigorrezkoa bi kategoriatan botoa ematea), hurrengo urratsera pasatzeko JARRAITU klikatu behar da. Amaitzeko "Datuak bete" dioen hirugarren urratsean e-mail bat idatzi behar da. Bertan aurrez emandako botoa baieztatzeko mezua jasoko du boto-emaileak. Hori baieztatzean botoa emanda geratuko da.
Modu horretan email bakoitzarekin behin bakarrik bozkatu ahal izango da.
Botoa emateak saria izan dezake: bozkatzen duten guztien artean e-irakurgailu bat zozkatuko da.
ANIMATU ETA PARTE HARTU!
Harpidetu honetara:
Mezuak (Atom)